როგორ ადგენს Ande Group ახალ სტანდარტს საცხოვრებელი პროექტებისთვის Unitify-თან ერთად
Ande Tower თანამედროვე საცხოვრებელი კომპლექსია ბათუმში, საქართველოში. აქ შენობის მართვა თავიდანვე აიგო სერვისზე ორიენტირებულ და ციფრულ მოდელზე. ვესაუბრეთ პაველ მაკაროვს, Ande Tower-ის მმართველი კომპანიის გენერალურ დირექტორს, მათ საოპერაციო ფილოსოფიაზე, ციფრული ინსტრუმენტების დანერგვაზე და იმაზე, როგორ აპირებენ ამ მიდგომის გავრცელებას Ande Group-ის მომავალ პროექტებზე.
– რა ფილოსოფია ჩადეთ Ande Tower-ის მართვაში?
– თავიდანვე გვინდოდა, შენობის მართვა გასაგებ და გამჭვირვალე სერვისად გვეშალა. თანამედროვე საცხოვრებელი კომპლექსი მხოლოდ არქიტექტურა და ინჟინერია არ არის, ეს მისი მობინადრეების ყოველდღიური გამოცდილებაცაა. ჩვენი მიზანი იყო, გაფანტული საკომუნიკაციო არხებიდან და ხელით პროცესებიდან ერთიან სისტემაზე გადავსულიყავით, რომელიც ეფექტურ მართვას და სტაბილურად მაღალ სერვისს უზრუნველყოფს.
– რა გამოწვევებს აწყდებით ყოველდღიურ ოპერაციებში?
– ეს ჩვეულებრივი, მაგრამ უაღრესად მნიშვნელოვანი საქმეებია: მობინადრეთა განაცხადების დამუშავება, საოპერაციო კომუნიკაცია, მობინადრეების გაფრთხილება ტექნიკურ სამუშაოებზე, ბილინგისა და გადახდების მართვა, სერვისის ხარისხის კონტროლი. როცა ეს პროცესები დალაგებული არ არის, გუნდი იტვირთება და დრო იკარგება. ამიტომ შეგნებულად ავირჩიეთ ციფრული მართვის მოდელი.
– რა როლი აქვს Unitify-ს ამ მოდელში?
– Unitify შენობის მართვისა და მობინადრეებთან ურთიერთობის ძირითადი პლატფორმაა. ის ყველა მთავარ პროცესს ერთ ინტერფეისში აერთიანებს, როგორც მმართველი გუნდისთვის, ისე მობინადრეებისთვის. მმართველი კომპანიისთვის ეს გამჭვირვალობას, კონტროლსა და პროგნოზირებადობას ნიშნავს. მობინადრეებისთვის კი მოხერხებულ და ინტუიციურ სერვისს.
– რა ციფრული სერვისები აქვთ მობინადრეებს?
– Ande Tower-ის ყველა მობინადრეს აქვს წვდომა მობინადრის აპლიკაციაზე, რომელიც შენობასთან ურთიერთობის მათი მთავარი ინტერფეისია. აპლიკაციით მობინადრეებს შეუძლიათ: ნახონ დარიცხვები და გადახდების ისტორია, მარტივად გადაიხადონ ინვოისები, მოითხოვონ დამატებითი სერვისები (მაგალითად, წვდომის გასაღებები), დაჯავშნონ შენობის ტერიტორიაზე არსებული ინფრასტრუქტურა, მაგალითად, პადელისა და ჩოგბურთის კორტები. აპლიკაცია შენობის ყველა სერვისის ერთიან შესასვლელად იქცა, და ეს ყოველდღიურ საქმეებს ბევრად ამარტივებს.
– როგორ აწყობთ კომუნიკაციას როგორც ჩვეულებრივ, ისე საგანგებო სიტუაციებში?
– კომუნიკაციაც მობინადრის აპლიკაციაში გვაქვს თავმოყრილი. დაგეგმილ ან საგანგებო სამუშაოებზე ყველა მობინადრეს ან კონკრეტულ ჯგუფს, მაგალითად, ერთ ბლოკს, სართულს ან თუნდაც ერთ ბინას, მაშინვე შეგვიძლია შეტყობინების გაგზავნა. მობინადრეები push შეტყობინებებს ტელეფონზე იღებენ და მაშინვე იგებენ, რა ხდება და რას უნდა ელოდონ. ამით შემომავალი ზარები მნიშვნელოვნად მცირდება და დაბნეულობაც აღარ არის.
შედეგად, მმართველ გუნდს შეუძლია ყურადღება პრობლემების სწრაფ გადაჭრაზე გაამახვილოს და არ უპასუხოს ერთსა და იმავე კითხვას: „რა მოხდა?“. მობინადრეებს განაცხადების აპლიკაციიდან გაგზავნაც შეუძლიათ. განაცხადი ავტომატურად მიდის პასუხისმგებელ თანამშრომელთან, ისე, რომ დაგვიანების ან ინფორმაციის დაკარგვის რისკი არ არსებობს.
პროცესი სრულიად გამჭვირვალეა: მობინადრეებს შეუძლიათ თავიანთი განაცხადის სტატუსს თვალი ადევნონ და სისტემაშივე დაუკავშირდნენ გუნდს. აღსანიშნავია ისიც, რომ აპლიკაცია ადამიანური კონტაქტის ადგილადაც იქცა: მობინადრეები მას არა მხოლოდ განაცხადებისთვის იყენებენ, არამედ გუნდისთვის მადლობის სათქმელადაც, ან სადღესასწაულო მისალოცად, როგორც გასულ ახალ წელს გააკეთეს.
– რა ძირითადი შედეგები მიიღეთ ამ მიდგომით?
– მმართველი გუნდის მუშაობა სტრუქტურირებული გახდა, მობინადრეებთან კომუნიკაცია გამჭვირვალე, ხოლო საოპერაციო დატვირთვა შემცირდა. Ande Tower-ის მსგავსი პროექტისთვის ეს არსებითია: მართვის ხარისხი ობიექტის სტატუსსა და მობინადრეების მოლოდინს უნდა შეესაბამებოდეს.
– გეგმავთ ამ მიდგომის გაფართოებას?
– დიახ, ეს მოდელი უკვე ახალ პროექტებზეც ვრცელდება. 2028 წლის ბოლომდე Ande Group გეგმავს ახალი საცხოვრებელი კომპლექსის, Ande Metropolis-ის, გაშვებას. ამ პროექტებში ციფრული მართვის მოდელი ოპერაციების დაწყებიდანვე ჩაშენებულია. ამით პირველივე დღიდან შეგვიძლია დავამკვიდროთ სერვისის ერთგვაროვანი სტანდარტი, გამჭვირვალე კომუნიკაცია და ეფექტური მართვის პროცესები.
თავდაპირველად გამოქვეყნდა SPRESS.ge-ზე